نمر العدوان

 

بما أنه أحلى إنجنير صارت تحب نمر العدوان وخطف قلبها ..صراحةما أنكر إنه خطفني معاها

 ..وحتى زوجته وضحة بهرتني شخصيتها قررت أدور عن هذا الرجل البدوي النادر

 

الوجود ..

بالنسبة للمسلسل يمكن الوحيد اللي شدني في رمضان ..طبعاً فريج وشعبية الكرتون حق الإفطار وتهضيم الطعام ..

 وسط أزياء ومصايب الخليجيين اللي ما تخلص في مسلسلاتهم ..ومن بين ركام المشاهد اللاأخلاقية في المسلسلات المصرية ..

نمر بن عدوان المسلسل الوحيد اللي تقدر تشوفه العايلة بدون ما  تغض البصر أو تستغفر ربها أو تضطر تقلب القناة ..

صراحة رسم رائع للشخصية وللحياة البدوية ..للحظة شكيت إنه نمر شخصية خيالية من كثر ماصوروها مثالية جداً(وأشك إنها بها الدرجة من المثالية ) ..قعدت اقول في رياييل جيه أكيد أحلم ..

لا كله يوم عدت هذيك البنية القصيد عنه ..ردة فعل الزوجة وضحة عجييييييبة بتخطبها له لو وحدة من حريم القرن الواحد والعشرين كانت يمكن طردته من البيت ترى حريم هالزمن شفنا عينة منهم  أثناء اختباء الكاميرا في حقك علينا عباة وميكب وحالة حالة وآخر شي الأخت كفوف وركض بالعباة  وتعطي بكوس ما أدري كيف حاسبينهم على الإناث ….

و لو كان واحد ثاني من رياييل  القرن الواحد والعشرين  وقالوله سيير اخطبها مثل ما قالوا لنمر على طول بتشوفونه ثاني يوم مسوي العرس ما في معنى أصلاً عندهم للحياة الزوجية..

بس قال أم عقاب وبس..

صدق نصيحة نصيحة للي بتتزوج الحين تشوف نمر بن عدوان عشان تتعلم كيف تكون الزوجة الصالحة ..

وبعدين شي يحسب لهم صرااااااحة إنهم ما سووا مثل باقي المسلسلات حب وغراميات قبل الزواج  وآخر شي خيانات  وما أدري شو ..

قصة حب في الزواج .. هذا اللي عجبني شافها عجبته تزوجها تسلسل المفروض يكون موجود في حياتنا .. بس للأسف قلت التربية وقل الوازع الديني ..

نحن نريد مثل هالمسلسلات اللي تشجع على الأخلاق والفروسية وتحض على عادات العرب القديمة التي اختفت مع المدنية ومع المظاهر..

ولا وألف لااااااا للصريخ والبكاء والنواح والليالي الحمراء ..

وجدت معلومات بسيطة عن الشاعر وما يحتاج أقول لكم  قصايده منتشرة في كل المنتديات للي يحب يقراها ما أدري من تكرم ونشرها بس أنا كنت ابحث عن الشخصية الحقيقية ووجدت بعض المعلومات في هذا المقال

نمر العدوان

أيضاً كالعادة وجدت لغطاً على الشخصية نفسها وعلى المرثية اللي انتشرت في المنتديات …

قصيدة (البارحة يوم الخلايق نياما) ليست لـ”نمر بن عدوان”

المهم في الموضوع كله بغض النظر عن إنه الشخصية حقيقية ولا لأ  ..باختصار إذا بيسوون مسلسلات يسوون مثل هالمسلسلات الهادفة ..وإلا  ما يتعبون نفسهم ويصرفون ميزانيات على مسلسلات لا تقدم ولا تؤخر وتضيع وقت الصائمين وفوقها تخرب صيام من يتابعونها ..

وسلامتكم

تحديث: لقيت صورة النمر(الرجل في وسط الصورة) .. صراحة فيه شبه من الممثل.. على فكرة مو متأكدة من الصورة  إذا هو ولا لأ بس قريتها في أحد المنتديات