أول يوم دوام

اعذروني إن لم أرد على تعليقاتكم .. الظاهر إني بنسى النت مع طول فترة الدوام  ..

أول يوم دوام كان بتاريخ 25/11/2007

وكان يوم عمل بمعني الكلمة لدرجة إني رجعت البيت وأنا خلاااااااص ريولي أحسها مورمة من كثر الوقفة وتحضير الوصفات .. كان أحلى استقبال من المرضى

اكتشف إنه ذاكرتي بعدها حافظة الأدوية أشكالهم في أشياء جديدة أول مرة أشوفها لكن الأغلبية كانت مألوفة ..أدوية السكر والضغط لا تخلو من أي وصفة .. شيء مرعب..أتخيل إنه الأرقام اللي أعلنوها عن مرضى السكري هذي كانت بس المعروفين في السجلات الصحية ..أما المصابين وما يعرفون بإصابتهم فحسبتهم ثانية ..

 طبعاً أمس ما قدرت أتحمل لين الساعة 9 بالليل صليت العشا وانخمدت ..وأنا نايمة قاعدة أحلم بالأرقام والوصفات خخخ الشغل ورانا..

أحلى ما في هذي الصيدلية إنه الوصفات كلها كمبيوترية ما يحتاج نفك خط الدكاترة ..في الغرب يعطون الدكاترة دورات في الخط حتى يحسنون خطوطهم اللي تسبب كوارث طبية ..

في النهاية ما أقول إلا الحمدالله رب العالمين ماتوقعت إني أتعين في المكان اللي تعينت فيه لأنه طموحي كان في الصيدلة السريرية وهذا التخصص غالباً يتواجد في المستشفيات ..

على العموم أعتبر هذه الوظيفةخطوة  لخطوات أهم ..إن شاءالله تتحقق..

رسالة:

بنت الأجاويد فرحت بتعليقج والله اشتقنا لج وافتقدناج وافتقدنا كتاباتج الجميلة ..